Para
rematar o curso escolar xa ven sendo tradición celebrar esta actividade
deportiva que organiza a profesora de Educación Física, Eva Martínez,
coa colaboración do profesorado do colexio.
Este ano o día amenceu chuvioso polo que non poidemos acudir ao estadio de fútbol do Cembedo, pero iso non impediu que a "MILLA" se levara a cabo no Pavillón do Colexio.
Esta xornada deportiva de integración e valoración social contou coa participación de atletas
divididos en diferentes categorías.
Na mañá do mércores, 20 de xuño, despois do recreo, xuntámonos no
Salón de Actos para celebrar o Fin de Curso cun pequeno Festival con Teatro, Bailes e Cancións.
Tamén despedimos ao alumnado de 6º curso facéndolles entrega dun diploma, orla e foto recordo por parte do seu titor Paco Gil.
Na mañá do luns, 18 de xuño, o alumnado de 3º e 4º curso de Primaria, xunto coas súas titoras Xulia e Rosa e a coordinadora da actividade, a profesora de Educación Física Eva, partiron cara ao Cembedo para asistir a unha clase práctica de piragüismo impartida a través do
Na Biblioteca, todo estaba preparado para recibir ao alumnado e profesorado de Infantil, un acontecemento ía ter lugar como cada ano ao rematar o curso escolar.
Primeiro chegaron os nenos e nenas de 4º e 5º de Infantil e logo xa fixeron entrada todo o alumnado da aula da titora Ana Lago é dicir os nenos e nenas de 6º infantil que xa rematan esta etapa tan bonita e tan importante.
Despois de saudar, visionamos un vídeo resumo da súa etapa, cando chegaron con tres anos ata o día de hoxe; tiveron palabras de agradecemento para todo o profesorado; a súa titora entregoulles a cada nena e neno a orla da promoción; por último houbo agasallos para as profesoras por parte das familias.
Foi un acto de graduación moi emocionante con choros, risas, aplausos, palabras de agradecemento...
Novamente o delegado de Participación Ciudadana da Comisaría de Policía de Viveiro, Pablo Rodríguez González,
está no noso centro co alumnado de 6º curso desenvolvendo o programa
que ensina aos menores os riscos da internet e das RRSS.
O mércores día 13 de xuño, as alumnas e alumnos de 5º
e 6º de Primaria marcharon cara á Praia de Esteiro (Mañón) para disfrutar dunha intensa
xornada de clases de Surf, a cargo da
Comezaron cunhas clases teóricas na area nas que lles
explicaron as partes de táboa, a posición básica, e fixeron uns xogos de
quecemento para pasar á auga, onde todo o alumnado subíu á táboa e
“surfearon”.
Queremos dende aquí facerlle chegar á nosa gratitude aos
monitores da Viveiro Surf Escolapola súa magnífica
acollida e por todo o que nos ensinaron.
Os días 28, 29 e 30 de maio, as clases de 5º e 6º de Primaria fumos de excursión a Asturias para realizar una programa de "Multiaventura a tope".
Na primeira parada vimos a Universidade Laboral de Gijón e comimos no parque do Molinón.
A primeira actividade que fixemos foi espeleoloxía e despois leváronnos a un campo onde xogamos a moitos xogos: paintball, txister...
O aloxamento fixémolo no Hotel LOS AVELLANOS. Á hora da cea divertímonos moitos falando. A comida estaba moi boa!. Despois de cear, xogamos nas habitacións e máis tarde tivemos que durmir.
Odía seguinte estabamos moi emocionados porque iamos facer o descenso do Sella. Foi moi divertido (sobre todo ver caer aos profes). Cando chegamos á praia bañámonos un pouco no río.
Fumos comer e ao remator xa nos preparamos para facer unha gynkana orientativa. Pasámolo moi ben a pesares da choiva.
O último día leváronnos a escalar a unha praia.
Estabamos un pouco tristes porque tiñamos que regresar a Celeiro.
Despois de ter que aplazar esta pequena excursión por mor da choiva, o venres, 1 de xuño todo o alumnado de Infantil, xunto coas súas titoras e profesorado acompañante, dirixímonos en autobús á praia de Area.
As nenas e nenos, coas súas merendas e utensilios para xogar coa area, chegaron moi ilusionados para compartir unha mañá con todos os seus compañeiros.
O tempo chegou a pouco pois pasáronno estupendamente e volveron ao colexio satisfeitos e "cargadiños de area" esperando que chegue xa o verán para poder disfrutar novamente da praia.
falaron co alumnado de primaria, regaláronlles entradas para o vindeiro partido do sábado 2 de xuño, tamén nos deixaron unha camiseta firmada, houbo unha sesión de firmas e por último fixemos unha foto de familia diante do noso colexio.
O martes, 29 de maio, o alumnado de 1º e 2º curso de Primaria, xunto coas súas titoras Angélica e Maricarmen, viaxaron ata Mondoñedo para coñecer de cerca a cidade e participar nos obradoiros de títeres, cantería e de barro.
Na alameda, xunto á Igrexa dos Remedios foron recibidos por Ton Arenas que os acompañou nun pequeno percorrido por diferentes rúas e barrios desta fermosa cidade. Tamén lles contou a historia do Mariscal Pardo de Cela e a Ponte do Pasatempo, que xa lles contaran as súas mestras no colexio.
Comezaron na Alameda dos Remedios e foron pasando polo Campo dos Paxariños, as rúas do casco antigo, viron as esculturas adicadas a Pascual Veiga e Álvaro Cunqueiro, a Igrexa de Santiago, a Fonte Vella, a Praza e a Catedral... e chegaron ao Barrio dos Muíños onde se atopan as típicas canles, tamén a Ponte do Pasatempo e a concentración de moitos Talleres de Artesanía.
Tiveron a oportunidade de coñecer o obradoiro MIRCROMINA de Ton Arenas e alí disfrutaron dunha pequena sesión de Títeres.
A continuación foron ao obradoiro de Fernando Vilariño e alí aprenderon moitas cousas sobre os canteiros e os seus traballos. Tamén tiveron a oportunidade de facer unha pequena práctica co cincel e o mazo.
Á hora de xantar comeron no entorno do Taller Alfareiro.
Despois tiveron tempo de xogo libre e por último disfrutaron un montón traballando co barro.
Foi unha viaxe moi divertida onde tamén disfrutaron aprenderon moitas cousas.
O luns, 28 de maio, xuntámonos os coles do Concello de Viveiro participantes no proxecto "Espertando o Maio":
CEIP DE CELEIRO
CEIP DE COVAS
CEIP DE GALDO
EEI SAN ROQUE
Vestidos axeitadamente para a celebración desta festa, con maios tradicionais de Viveiro, o maio do noso colexio representando a Porta de Carlos V e outros elementos florais, desfilamos polas rúas de Viveiro acompañados por moitas familias e veciños.
Rematamos na Praza Maior cantando todos xuntos a Canción do Maio de Viveiro.
E así damos por rematado este proxecto que estivemos a traballar durante este curso.
Na tarde do venres, 4 de maio, os equipos dos diferentes centros que formamos a MICRORREDE PLAMBE A MARIÑA, realizamos a montaxe da exposición deste curso:
Na tarde do luns, 7 de maio, daremos comezo coas diferentes actividades que programamos en torno a esta exposición e que rematarán o xoves, 10 de maio.
PROGRAMA DE SENSIBILIZACIÓN SOBRE A DISCAPACIDADE NA COMUNIDADE EDUCATIVA MOITAS GRACIAS A MARCOS E AOS USUARIOS DE ASPANANE POLA SÚA AMABILIDADE PARA CO NOSO ALUMNADO
PROGRAMACIÓN
Nesta segunda edición do programa realizaremos unha única sesión que servirá de repaso de conceptos traballados anteriormente, así como de introdución da nova liña de traballo sobre o concepto de Diversidade Funcional.
Para isto dividiremos a sesión nos seguintes puntos:
1. Diversidade.
Introducimos o concepto de diversidade a través da proxección dunhas láminas resaltando a existencia desta diversidade no noso entorno, así como entre as persoas, e valorando a riqueza que supón esta diversidade para as nosas vidas.
Realizaremos a actividade "Así son eu", que consiste nunha presentación por parte de cada neno/a dicindo cadanseu nome e unha cousa que lles gusta facer e unha cousa que non. Deste xeito, comprobaremos a diversidade existente na aula.
2. Diversidade sensorial.
Enlazando co visto nas láminas anteriores, introducimos o concepto de funcionar diferente. As persoas con diversidade funcional (discapacidade) teñen moitas capacidades, a única diferenza é que as realizan de maneira distinta.
3. Diversidade motriz.
Seguiremos recordando o visto o ano anterior e levaremos unha cadeira de rodas que nos axudará a coñecer moito mellor o concepto de "funcionar diferente".
4. Diversidade Intelectual.
Charlaremos cos/as usuarios/as da nosa entidade sobre a súa vida no centro e as súas amplas capacidades, conseguindo así a ruptura cos estereotipos sobre este colectivo e descubrindo á persoa que hai detrás da discapacidade.
Nos cursos máis avanzados proxectaremos a curtametraxe "El Cazo de Lorenzo", realizando un cine-fórum posterior sobre o seu significado e o relacionado coa discapacidade intelectual.
5. Conclusións.
Buscaremos as conclusións por parte dos nenos e nenas participantes e proxectaremos o vídeo realizado por ASPANANE "Porque eu son igual que ti" como broche a esta sesión da segunda edición do programa.
Este curso o alumnado de 3º curso, xunto coa súa titora Xulia Calvo, traballaron a obra de Teatro Escolar "Un ben... con outro ben" da autora Anisia Miranda.
Primeiramente fixeron diferentes grupos e realizaron unha lectura dramatizada nos cursos de 2º, 4º, 5º e 6º de primaria.
Pero para presentala aos compañeiros de Infantil e 1º curso fixeron unha dramatización no teatro do colexio, na mañá do xoves 3 de maio.
Ademais da dramatización prepararon na aula de música un Romance baseado na obra e que cantaron ao final da representación.
Na mañá do mércores, 2 de maio, todo o alumnado tivo a oportunidade de facer unha visita ao Supermercado EROSKI.
Ao chegar déronnos a benvida Eva e Ana; logo visitamos as seguintes seccións: froitas e
verduras, panadaría, peixaría, carnicería, lácteos e por
último a sección do aseo persoal.
Como despedida agasalláronnos cunha bolsiña que levaba froita, auga, galletas...
Aprenderon moitas cousas e pasáronno moi ben.
Damos as gracias a todo o persoal do Supermercado pola súa amabilidade.
Na mañá do mércores, 25 de abril, o alumnado de 5º e 6º curso, acompañados dos profesores Paco, Cristina, Eva, Jesús e Marta, participamos na xornada que se celebrou en San Cibrao con motivo da celebración deste día. No mesmo participaron centros de Abadín, Ribadeo, Burela, Cervo, Celeiro Galdo e Viveiro.
O evento estaba organizado polo Seminario de Educación Física da Mariña e do que forma parte a noso profesora Eva Martínez Baltar.
O día amenceu con choiva pero non foi impedimento para poder desenvolver todas as actividades que nos tiñan preparadas e dividadas en estacións:
Skate, Surf, Malabares
Brillé
Desaafíos Cooperativos
Paracaídas
Taller de Baile
Xogos Populares
Voley, Palas, Ultimate
Pedra-papel-tesoira
Discgolf-Slackline-Procura do tesouro
Tres en raia
No seguinte vídeo podemos ver un pequeno resumo deste día tan especial.
Na mañá do día 23 de abril, todo o alumnado de Infantil e
1º e 2º curso, tiñamos programada unha saída a Viveiro para facer un
pequeno percorrido polo Casco Histórico e ver os pricipais monumentos e
lugares de interese:
Calexón do Muro,
Rúa Rosalía de Castro, Porta da Vila, Gruta de Lourdes, Convento das
Concepcionistas, Calexa das Monxas, Porta do Valado, Igrexa de Santa
María, Igrexa e Claustro de San Francisco.
Tamén acudimos ao Teatro Pastor Díaz para ver a obra teatral "Irina Bailarina" da compañía Ghazafelhos. Agradecemos a colaboración da ANPA do colexio pois foi ela a que patrocinou esta sesión de teatro.
Na mañá do xoves, 19 de abril, todo o alumnado e profesorado do colexio levamos a cabo a actividade programada dentro do Proxecto Documental Integrado deste curso:
Na mañá do martes, 3 de abril, o alumnado de 3º e 4º curso de Primaria, xunto coas súas titoras Xulia Calvo e Rosa Blanco, foron visitar o supermercado EROSKI de Viveiro.
Primeiramente Eva, a encargada da visita, fixo unha breve exposición no centro sobre as diferentes dependencias que iamos visitar no supermercado e sobre a importancia dos alimentos saudables.
Ao chegar ao supermercado visitamos as seguintes seccións: froitas e verdura, panadaría, peixería, carnicería e charcutería, lácteos e por último perfumería.
Na carnicería explicánronlles a vestimenta que esixe o EPI (Equipa de protección individual) co que se reduciu o número de accidentes laborais. Na peixería explicáronlles a diferenza entre peixe azul e peixe branco e tamén lles fixéronlles unha demostración do fileteo dun peixe.
Convidáronnos á degustación de froitas e zumes naturais, ademáis de participar en xogos para diferenciar froitas e verduras mediante o tacto e o gusto.
Por último recibiron agasallos dentro dunha bonita mochila.
O centro quere agradecer a xentileza de todo o persoal do EROSKI por facer posible esta visita na que o noso alumnado aprendeu cousas moi importantes sobre os alimentos, a reciclaxe e a importancia dunha alimentación saudable. MOITAS GRAZAS.
Desde 1967, o 2 de abril, coincidindo coa data do nacemento do
escritor danés Hans Christian Andersen, o IBBY promove a celebración do
Día Internacional do Libro Infantil co fin de promocionar os bos libros
infantís e xuvenís e a lectura entre os máis novos.
Cada ano unha Sección Nacional ten a oportunidade de ser a
patrocinadora internacional do Día do Libro Infantil. Esa Sección elixe
un tema e selecciona a un autor ou autora importante do país co fin de
que escriba unha mensaxe para os nenos e nenas do mundo, e a un
recoñecido ilustrador ou ilustradora para que deseñe un cartel que se
difunde en colexios, bibliotecas, a través dos medios de comunicación,
etc. Con este motivo organízanse diferentes actividades de animación,
encontros con escritores e ilustradores, concursos e outras accións
puntuais.
No seguinte vídeo o alumnado de 5º curso presentan os libros que están a ler:
Aqueles irmáns pensaban que o verán ía ser igual de monótono e gris que sempre.
Mais por unha serie de casualidades van ter que investigar un
misterio que todos coidaban esquecido… como a vila que descansa debaixo
das augas do encoro.
Durante séculos aquela vila anegada tivo os seus (terribles) segredos ben gardados. Mais agora van saír á luz…
O venres, 16 de marzo, e por xentileza da Editorial Galaxia, o alumnado de 5º e 6º de Primaria tiveron a oportunidade de conversar con Antía Yáñez, despois de ter lido o libro "O misterio de Portomarín", unha lectura que lles resultou apaixoante e moi entretida.
Antía fixo unha presentación do lugar onde acontece a historia e posteriormente as nenas e nenos tiveron a oportunidade de facerlle moitas preguntas sobre o libro e tamén sobre ela mesma.
Foi unha xornada moi gratificante para o noso alumnado que rematou coa firma dos exemplares que aportou a Bibliosoños.
Na mañá do sábado, 10 de marzo, celebrouse a IV edición do concurso escolar de recitado poético ROSALÍA SEMPRE VIVA, na Casa-Museo Manuel María en Outeiro de Rei.
Centrado no recitado de versos da obra en galego de Rosalía de Castro ou da ampla produción poética de ManuelMaría,
o concurso escolar está dirixido a todo o alumnado galego de ensino non
universitario, desde Primaria a Ciclos Formativos Superiores.
A
actividade ten por obxectivo potenciar a expresión oral e a creatividade
do alumnado a través do coñecemento e o recitado da poesía de dúas das
voces máis importantes e populares da nosa literatura.
Despois de realizar no colexio a fase clasificatoria quedaron clasificados para a gran final as seguintes alumnas e alumnos:
Sara Asmerón e Lucas Sierra de 3º curso, Pedro Gil de 4º curso e Inés Cachón de 6º curso.
Plan Director para a Convivencia e Mellora da Seguridade nos Centros Educativos e as súas Contornas
Novamente o delegado de Participación Ciudadana da Comisaría de Policía de Viveiro, Pablo Rodríguez González,
estivo no noso centro co alumnado de Infantil para explicarlles as funcións da Policía Nacional. As nenas e nenos fixéronlle moitas preguntas e así poideron saber moitas cousas sobre a POLICÍA NACIONAL.
Que hai que estudar para ser policía?
Cómo se atrapan aos delincuentes?
Ensinoulles a placa identificativa e entregoulles pegatinas e carnets. Pasáronno moi ben e aprenderon moitas cousas!
Na xornada do martes, 6 de marzo, os alumnos e alumnas de 5º e 6º curso, xunto coas profesoras Cristina, Virginia e o profesor Paco,
puxeron rumbo á Santiago de Compostela para levar a cabo varias
visitas aínda que tiveron un día con moita choiva.
Despois do recreo, todo o alumnado e profesorado do colexio, xuntámonos no ximnasio para bailar e cantar "cancións do mundo":
EPO I TAI TAI É (Canción Maorí),
é unha canción de amor proveniente de Nova Zelandia.
ANIKUNI (Canción dos indios americanos) é unha canción que ten a súa orixe na cultura dos indios canadenses,
trátase da canción que acompaña á danza do lume das devanditas tribos.
ERAM SAM SAM (Canción Marroquí)
SOMOS O MUNDO: « We Are the World» é unha canción escrita por
Michael Jackson e Lionel Richie en 1985. Nós fixemos unha tradución ao galego seguindo a versión en castelá.
Tamén fixemos a entrega dun diploma á gañadora do VIII concurso "Adhesivo pola Paz":
O pasado venres, 17 de novembro, os nenos e nenas de 6º de primaria foron cara ao peirao de Celeiro para visitar o barco do pai de Daniela Fernández, alumna do colexio.
Resumo feito polo alumnado:
O barco é un pesqueiro que anda ao palangre de superficie, mide de eslora 40, 8o m e de manga (ancho) 8,60 m. Ten capacidade para 22 persoas pero so van ir pescar 17 homes. Ten dúas cámaras frigoríficas onde meten 200 Tm e tamén vai a carnada.
Hai 6 camarotes abaixo e 2 arriba na ponte; hai unha enfermería con 3 botiquín onde dispoñen de todo tipo de medicamento.
Tamén hai unha cociña con distintos electrodomésticos. dispoñen dun motor principal marca "ABC" de 1.22 cabos e tres motores principais de marca "Cumins" de 400 CV cada un.
Na ponte dispoñen de todo tipo de aparatos de situación, navegación, comunicación... para o goberno do barco. Leva unha roda de tiñon e varios tillers e un piloto automático.
O barco sae de Celeiro e vai cara o Pacífico, vai pescar cara Perú.
Na actualidade, a violencia contra as mulleres e as nenas é unha das
violacións dos dereitos humanos máis estendidas, persistentes e
devastadoras do mundo.
Esta conmemoración foi aprobada pola Asemblea Xeral das Nacións Unidas o 17 de decembro de 1999, a proposta da República Dominicana, e co apoio de 80 países.
Por que un 25 de novembro? Pois como homenaxe ás tres irmás Mirabal, activistas políticas, que foron asasinadas o 25 de novembro de 1960, na República Dominicana.
Pero, desgraciadamente, a violencia contra as mulleres non pertence ao pasado, nin se enmarca só dentro do ámbito político. É un problema que afecta a familias e comunidades de todas as xeracións e de todos os ámbitos sociais.
Desde a ONU convídase a gobernos, organizacións internacionais e organizacións non gobernamentais a establecer actividades dirixidas a sensibilizar ao público respecto do problema neste día, como unha celebración internacional
No colexio traballamos cara á igualdade entre nenos e nenas, mulleres e homes, onde descartamos todo tipo de violencia.
Durante esta semana levamos a cabo varias actividades:
INFANTIL
Na biblioteca, lecturas comentadas dos contos: Rosa caramelo, Orellas de bolboreta, A viaxe de mamá.
Elaboración de mans
PRIMARIA
Elaboración de frases contra a violencia
Elaboración de mans
O alumnado de 3º curso, xunto coa súa profesora de Educación Física Eva, prepararon en acrosport a frase NON Á VIOLENCIA DE XÉNERO, para a realización do seguinte vídeo
Despois do recreo, na mañá do venres, 24 de novembro, no ximnaxio, todo o alumnado e profesorado do colexio levamos a cabo unha sesión de sensibilización dende a igualdade cara á violencia contra as mulleres
Vestidos con roupas de cor negro e coas mans violetas fixemos unha gran man.
O Día Universal do Neno, que se celebra todos os anos o 20 de novembro, é un día dedicado a todos os nenos e nenas do mundo.
É un día de celebración polos avances conseguidos, pero sobre todo é un día para chamar a atención sobre a situación dos nenos máis desfavorecidos, dar a coñecer os dereitos da infancia e concienciar ás persoas da importancia de traballar día a día polo seu benestar e desenvolvemento.
No colexio preparamos un vídeo especial cunha canción que cantan os nenos e nenas de 3º curso e as imaxes realizadas con debuxos do alumnado de Infantil.
MURAL SOBRE OS DEREITOS DA INFANCIA, 2º CURSO
Tamén podemos atopar moita máis información nesta páxina da BIBLIOSOÑOS
Despois de ter que aplazar a celebración do noso magosto por mor do mal tempo, o martes, 14 de novembro, despois do recreo, poidemos disfrutar desta festa tan arraigada no noso colexio.
Comezamos facendo un circuito de estacións de xogos, coordinados pola mestra de Educación Física, Eva Martínez:
Relevo de castañas
Petanca
Castañagolf
Culleradas de castañas
Castaña cega
Mariola
Comecastañas
Pescacastañas
Castaña Dance
Laberinto
O alumnado agrupouse en 10 equipos de 16 nenos e nenas cada un, de todas as idades e cursos. Os maiores axudaron aos máis pequenos e pequenas e pasaron unha xornada moi divertida e de moita cooperación entre eles.
Despois tivemos o degustación das castañas asadas como todos os anos polo noso conserxe Enrique e coa colaboración especial de exprofesor do centro, Antonio Ferreiro.
Novamente o delegado de Participación Ciudadana da Comisaría de Policía de Viveiro, Pablo Rodríguez González, está no noso centro co alumnado de 6º curso desenvolvendo o programa que ensina aos menores os riscos da internet e das RRSS. :
Os alumnos e alumnas que realizan o curso de Ciberexpert@
reciben cinco horas de formación sobre temas como ciberacoso, grooming,
sexting, suplantación de identidade, comunidades perigosas, acceso a
contido inapropiado, xestión da privacidade e identidade dixital,
netiqueta e mediación parental.
Participación activa
Os alumnos e alumnas teñen unha participación activa no curso. De feito participan en debates sobre supostos prácticos e realizan un exame final ao termo das clases que, no caso de ser superado, condúcelles á recepción dun carné acreditativo dos coñecementos adquiridos.